d acu-t corona virus ?

d acu-t corona virus ?

 

d acu-t corona virus ?

Infafaden Corona d tawacult tameqrant n yinfafaden (ibirusen) i zemren ad d-glun s waṭṭan i umdan d uɣersiw. D ayen yettwassenen infafaden corona swaɣayen aṭas turin d uneffes, yettban-d s usemmiḍ yettaɣen amdan naɣ s waṭṭanen yettḍurrun aṭas am tumant n usammar alemmas n uneffes (MERS) naɣ tumant n uneffes iḥersen (SRAS), ma d abirus corona d-yennulfan tineggura-ya igellu-d s waṭṭan n Corona Virus Covid-19.

D acu-t waṭṭan n Covid-19 ?

Aṭṭan n Covid-19 d aṭṭan yettanṭaḍen sebba n abirus Corona d-yennulfan taggara-ya.  Ulac win yegzan s waṭṭan-a send ad yenddeh deg temdint n Wuhan di tmurt n Cinwa deg aggur n Duǧember 2019.

D acu-tent limarat n waṭṭan Covid-19 ?

Limarat mussnawen aṭṭan ɣef aṭṭan Covid-19  d tawla, ɛeggu d tussut takiwant. Kra n yimuḍan iḥuza waṭṭan-a yezmer ad sɛun lqerḥ d ṣṣiḥ. anẓaren-nsen yezmer ad tazzalen, naɣ ad ikiwen, yezmer ad sɛun lqerḥ deg tgerjumin-nsen, naɣ ad tazzalent tɛebbuḍin-nsen. Deg waṭas n teswiɛin, limarat-a ur d-tbanent ara ɣef tikkelt, kra n yemdanen, xas ma ineṭṭeḍ-iten waṭṭan-a, ur d-tbanent ara fell-asen limarat-a, urtḥulfun ara s waṭṭan.tuget n wid iḥuza waṭṭan-a, ḥellun seg-s (azal n 80%)war ma uḥawǧen kra n ulawi. Azal n yiwen umdan ɣef setta n wid iḥuza Covid-19, yettzad deg waṭṭan imi yettaṭṭaf-iten ṭṭiq, yettaɛar fell-asen uneffes. Aṭṭan n Covid-19 yezmer ad iḥaz ugar imdanen meqqren di leɛmer akked yemdanen yesɛan aṭṭanen nniḍen am waṭṭan n ssker, aṭṭan n waftaɣ, aṭṭanen n wul d waṭṭanen nniḍen imezgiyen. Ar ass-a yemmut wazal n 02% seg wid iḥuza Covid-19.ɣef aya yessefk ɣef kra n win yesɣan uguren n uneffes, wid iwumi tuli tawla, wid yesɛan tussut ad rzun ɣer umejjay.

Amek i yettanṭṭaḍ waṭṭan Covid-19 ?

Aṭṭan n Covid-19 yezmer ad d-yekk seg yemdanen nniḍen iḥuza ubirus Cororna. Aṭṭan-a yezmer ad yenṭṭeḍ seg umdan ɣer wayeḍ s tmiqqwa yettanṭagen seg yimi naɣ seg yinzer timti ara d-yettussu naɣ ad d-yeɛḍes umdan yesɛan aṭṭan Covid-19. Timiqwa-ya trusunt ɣef tɣawsiwin naɣ ɣef ayen yettmasi umdan-nni, imir aṭṭan Covid yezmer ad iḥaz imdanen nniḍen ma nnulen ayen akken ḥuzant tmiqwa-nni. Am wakken yezmer win ijeɣmen timiqwa-nni d-ineṭṭegen seg tussut naɣ aɛḍas ad t-yenṭṭeḍ waṭṭan Covid-19. ɣef yal yiwen yessefk fell-as ad yebɛid ɣef win yesɛan aṭṭan- s wugar n lmitra.

Yezmer ubirus n ovid-19 ad yenṭṭeḍ seg ubeḥri ?

Tizrawin yettwaxedmen ar ass-a tbegginent-d d akken ubirus yellan d sebba n waṭṭan Covid-19 yettanṭṭad ugar s umassi n tmiqwa yettenṭagen seg aneffes mačči s ubeḥri. ẓer tirirt ɣef tuttra yezrin : « Amek i yettanṭṭaḍ waṭṭan Covid-19 ?

Yezmer ad yenṭṭeḍ waṭṭan seg umdan iqef ur d-banent ara limarat ?

Abrid amezwaru yis yettanṭṭaḍ waṭṭan d timiqwa n uneffes d-iteffeɣen seg umdan timti ara yettussu. Qlil kan akka ideg aṭṭan ad yenṭṭeḍ seg umdan iɣef ur d-banent ara limarat. Maca aṭas n yemdanen t-yuḍnen ur d-tbanent ara fell-asen aṭas n limarat, ladɣa deg ussan imezwura n waṭṭan. Ihi yezmer ad yenṭṭeḍ waṭṭan Covid-19 seg umdan yesɛan kan tussut tareqqaqt ur yettḥulfu ara s waṭṭan. Tuddsa tagraɣlant n Tdawsa telha-d ass-a s uqeyyem n tezrawin yerzan tallit ideg yettanṭaḍ waṭṭan Covid-19, d ayen iɣef ara d-tserreḥ deg ussan d-iteddun.

Yezmer ad ayi-ineṭṭeḍ waṭṭan s lewsex n win yenṭṭeḍ waṭṭan ?

Amihan n wanṭṭaḍ n waṭṭan Covid-19 s umassi n lewsex n umdan yuḍnen aṭṭan Covid-19 qlil maḍi, xas ma ahat abirus yezmer ad yili deg lewsex-a, maca anṭṭaḍ-is deg s waya ur d-yettwakked ara taswiɛt-a. Tuddsa tagraɣlant telha-d s uqeyyen n tezrawin yettwaxedmen ɣef waya, tid ara tessuffeɣ deg ussan d-iteddun. Maca amdan yewwi-d fell-as ad yessizdeg ifassen-is yal tikkelt s waman send ad iqerreb ɣer wučči.

Amek i zemreɣ ad ḥadreɣ iman-iw ad qqarɛeɣ anṭṭaḍ n waṭṭan ?

Taɣtasin ilmend n ustan n yemdanen merra

Rezzu yal tikkel ɣef tiselɣa tineggura yerzan aṭṭan Covid-19, ama tid yellan ɣef usmil n Tuddsa tagraɣlant n tdawsa naɣ tid d-tessufuɣ tsudut n tdawsa tanagdudt n tmurt-ik. Aṭṭan Covid-19 d win yuɣen deg aṭas n tmura n umaḍal, tuget deg-sent yefser deg-sent aṭaṣ waṭṭan-a. iduba inagduden deg tmurt n Cinwa d tmura nniḍen ssawḍen ad rren talast i ufsar n waṭan-a naɣ ad sfergen i ufasr-is. Maca assefray n umhaz n waṭṭan-a ur yelli d win issehlen, ɣef aya yessefk ɣef yal yiwen ad yegzu yal tikkelt s yisallen ineggura.

Tzemreḍ ad tḥadreḍ iman-ik ɣef aṭṭan Covid-19 d unṭṭeḍ-is ma ḍfereḍ iwellihen-a :
  • Ssizdeg ifassen-ik akken iwata yal tikkelt s waman d lalkul naɣ s waman d ṣṣabun.
  • Ayen ? assizdeg n yifassen s waman d ṣṣabun naɣ s waman d yiɣisem (lalkul) ad ineɣ infafaden (ibirusen) yersen ɣef yiffassen.
  • Wexxer azal n lmitra naɣ ugar ɣef win d-yettussun naɣ iɛeṭṭsen.
  • Ayen ? timti ara d-yettussu umdan naɣ ad d-yeɛḍes, ttanṭṭagent-d seg-s tmiqwa yezmer ahat wwint-d abirus, ma tqerbeḍ ɣer-s aṭas yezmer ad tjeɣmeḍ naɣ ad tnefseḍ timiqwa-ya, ideg yella ubirus-nni Covid-19
  • Anef ur tmassi ara allen-ik, anzaren-ik naɣ imi-ik.

Ayen ? ifassen tmassan aṭas n tɣawsiwin tanṭṭaḍen-d fell-asen ibirusen, imir zemren ad neṭṭḍen ɣer umdan yesluffuyen i wallen-is, iwanzaren-is naɣ i yimi-s, imi abirus yezmer ad yenfufed ɣer tfekka n umdan s waya.

Ayen ? timiqwa tawint abirus. Aḍfar n yiwellihen n uneffes iwatan ad aken-iqerreɛ, kečč d wid yellan ɣer yidis-ik seg ibirusen am ubirus n waṭṭan n waḍu naɣ Covid-19.

  • Ma tḥulfaḍ i yiman-ik tiuḍneḍ, zdel deg uxxam. Ma tḥulfaḍ i tawla-k tuli, tesɛiḍ uguren n uneffes, tesɛiḍ tussut, suter asejji, siwel i umeẓlu n tdawsa send ad terzuḍ ɣer-s. ḍfer iwellihen n tenmehla n tdawsa yellan deg tmurt-ik.

Ayen ? tiduba n tdawsa yellan deg yal tmurt ɣer-sent isalen ineggura yerzan aṭṭan d tikli-ines deg temnaḍt-ik. Ma tezwareḍ tluɣaḍ iyemḍebbern tdawsa ad ak-yessunefk awelleh s tɣawla ɣer wanda ara ak-twanefken isejjiyen iwatan. D ayen ara ak-iḥamin yernu ad iḥami wid ik-yettilin, ad iqerreɛ afsar n ubirus.

  • ɣɣar yl isali aneggaru ɣef tikli n waṭṭan Covid-19 deg temnaḍt-ik. ḍfer iwellihen ara ak-d-yefk yemḍebber n tdawsa tanagdudt deg tmurt-ik d temnaḍt-ik naɣ anda txeddmeḍ, d iwellihen ɣef unamek iwatan i uḥami n yemdanen mgal aṭṭan Covid-19.
Ilaq ad tqelqeɣ seg unṭṭaḍ n waṭṭan Covid-19 ?

Aṭṭan d-yettasen s unṭṭaḍ n ubirus Covid-19 deg tuget d afessas, ladɣa ɣer warrac imeẓyanen d yilmeẓyen. Maca yezmer ad d-yeglu s waṭṭan iweɛren nezzeh, imi yiwen (1) umuḍin ɣef xemsa (5) iḥuza waṭṭan-a uḥwaǧen usejji deg yisegnafen. ɣef aya d ayen yessakcamen aɣilif ɣer yemdanen ɣef wayen yezmer ad yeglu waṭṭan-a fell-asen d wid i asen-yettilin.

Maca yewwi-d ad nwelleh aɣilif-nneɣ iwakken ad nddem taɣtasin iwatan mgal aṭṭan-a, ad nesten iman-nneɣ d wid aɣ-yettilin deg tmettiyin-nneɣ. Yiwet seg taɣtasin-a d asizdeg d tarda n yifassen s twala d uḍfar n yiwellihen n usnuffes iwatan.deg usurif nniḍen, aḍfar n yiwellihen n yiduba n tdawsa n temnaḍt, ideg yella useḥres ɣef usikel d umesni n yemdanen d yigrawen imeqranen s umata ideg temlilin. Tzemrem ad tissinim ugar n yiwellihen ilmend n ustan n yiman-nwen d yemdanen nniḍen ɣef tansa-ya :   https://www.who.int/emergencies/diseases/novel-coronavirus-2019/advice-for-public.

 

D anwi id imdanen yemmugren imihin ad ṭṭfen aṭṭan imezgi ?

Mazalaɣ ar ass-a n wussan n tissin ugar waṭṭan Covid-19, maca ayen d-ibanen, imɣarend yemdanen yekcem waṭṭan imezgi (amedya n waṭṭan n weftaɣ n yidammen, aṭṭanen n wul, aṭṭan n ssker..) d nutni i yesɛan imihin ugar ad ṭṭfen Covid-19.

Imgaluddiren lhan i uqarreɛ d usejji n waṭṭan Covid-19 ?

Ala, imgaluddiren ur neqqen ara ibirusen, ttqerriɛen kan ɣef unṭṭaḍ n yimikruben. Imi aṭṭan Covid-19 sebba-s d abirus, ihi imgaluddiren ur tneqqen ara. ɣef aya ur ilaq ara ad tsexdmeme imgaluddiren d allal iwakken ad tḥadrem naɣ ad tḥamim iman-nwen ɣef waṭṭan Covid-19 naɣ i ulawi. Yewwi-d ad tciwrem amejjay ɣef usexdem n yimgaluddiren (antibiotiques).

Yella kra n ucraḍ naɣ kra usafar i waṭṭan Covid-19 ?

Urɛad. ar wass-a, umnadiyen ur ssawḍen ara ad gen kra n ucraḍ naɣ kra n usafar mgal ibirusen n waṭṭan Covid-19. Maca yessefk imuḍan ad sɛun tisegnaf ara yessifsen fell-asen aṭṭan-a. imdanen iḥuza waṭṭan-a yewwi-d ad kecmen ɣer yisegnafen, din tuget n yimuḍan teffeɣen-d jjin seg waṭṭan Covid-19.

Imira aṭas n yisnadiyen d yemnadiyen lhand s usermi  n kra n yisufar d wacraḍen i usejji seg waṭṭan Covid-19. Tuddsa Tagraɣlant n Tdawsa telha-d s usezdi gar ussisen  d-yettilin i tifin n usafar d ulawi mgal Covid-19.

Ihi akka ad yili usizdeg n yifassen d tarda-nsen d abrid iwatan iwakken ad tqarreɛem iman-nwen mgal aṭṭan Covid-19 akked uɣumu n wanzaren-nwen s lkaɣeḍ yal mi ara d-tɛeḍsen naɣ ad d-tettussum, ad tibɛidem ɣef yemdanen yettussuns wazal n lmitra naɣ ugar.

Aṭṭan Covid-19 d win id aṭṭan n SRAS ?

Ala, xas yella wassaɣ ajini gar  waṭṭan Covid-19 d ubirus n SRAS maca mgaraden. Aṭṭan n SRAS d win ineqqen aṭṭas n yemdanen maca ur yettanṭṭaḍ ara ataṣ am waṭṭan Covid-19. Aṭṭan n Sras ur yebzuzer ara deg umaḍal seg useggass n2003.

Yewwi-d ad rreɣ tkmamt iwakken ad ḥamiɣ iman-iw ?

Ala, ur tarra ara takmamt siwa ma banent-d fell-ak limarat n waṭṭan Covid-19(ladɣa tussut, naɣ ma telhiḍ-d s ulawi n win yesɛan aṭṭan-a. yewwi-d ad tesmerseḍ takmamt n usemres ayiwen tikkelt kan. Ma ur tuḍinem ara aṭṭan

Tuddsa tettwellih imdanen ad smersen tikmamin s lmḥadra iwakken ad kfunt ladɣa i wid yuḍnen d wid ixeddmen deg yisegnafen imi d nutni i yettmagaren imuḍan.

Ihi iw akken ad tḥaderem iman-nwen seg waṭṭan n Covid-19, asizdeg n yifassen yal tikkelt s waman d ṣṣabun naɣ s waman d yiɣisem (lalkul) , aɣumu n yimawen d wanzaren s lkaɣeḍ n usfaḍ d iwellihen iwatan ugar iwakken ad tqerreɛem anṭṭaḍ n ubirus. I ugar n yiwellihen, walit taɣtasin yerzan aḥezzeb mgal aṭṭan n Kuruna amaynut.

Abrid iwatan i iḥezzeb mgal aṭṭa Covid-19 ad yeqqim d tarda n yifassend usizdeg-nsen, aqerreɛ n yiɛeṭṭisen d tussut s uɣumu n yimawen d wanzaren s lkaɣeḍ, abɛad ɣef yemdanen iɛeṭṭsen naɣ yettussun s wazal n lmitra naɣ ugar. Walit iwellihen i ugar n yisalen.

 

Aame ara telsem takmamt d useqdec-ines, tukksa-ines d uḍeqqer-ines.
  1. Cfu d akken asexdem n tekmamt yewwi-d ad yili kan ɣef ixeddmaen deg uḥric n tdawsa d win yettdawin, d yimuḍan iɣef d-banent limarat n wuguren n uneffes, tawla d tussut.
  2. Send ad tmassim takmamt ssiredet ifassen-nwen s waman d yiɣisem (lalkul) naɣ s waman d ṣṣabun.

  3. ṭṭefet  takmamt sefqedet-as ma ur tefli ara naɣ ur tcerreg ara.

  4. ɛeqelet idis ufella n tekmamt (anda yella yiccer n wuzzal)

  5. Tḥeqqenet d akken ad terrem idis iwatan ɣer berra (idis yeɣman)

  6. Ssers takmamt ɣef uqdum-nwen tekki ɣef yiccer-nni n wuzzal iwakken ad yeddem udem n wanzaren-nwen

  7. Jebdet idis n wadda n tekmamt iwakken ad iɣum imawen-nwen d wanzaren-nwen.

  8. Seld aseqdec-ines, kkeset takmamt s ufessuy n unejbad n lastik deffir imeẓẓuqen-nwen,, sbeɛdet takmamt ɣef udmawen-nwen d yiselsa-nwen iwakken ur tettaǧǧa ara ibirusen limmer ahat tumes.

  9. ḍeqqeret imir imir takmamt-nni ɣer tzebbalt.

  10.  Ssizdeg ifasssen-nwen s waman d yiɣisem (lalkul) naɣ s waman d ṣṣabun seld amassi n n tekmamt d uḍeqqer-ines.

D acu id tallit n tasdalt n waṭṭan Covid-19 ?

Irem « tallit n tasdaalt » yerza tallit yellan seg anṭṭaḍ n waṭṭan alamma d limarat timezwura n waṭṭan. Tallit-a n tasdalt n waṭṭanCovid-19 tettili gar yiwen n wass alamma d 14 wussan, tettdum deg tugget n tegnatin 05 wussan.

Yezmer ad yenṭṭeḍ waṭṭan Covid-19 seg uɣersiw ɣer umdan ?

Infafaden (ibirusen) n Kururna d tawacult tameqrant yebzuzeren aṭas gar imčeɣlalen d yiɣersiwen. Kra n yemdanen iḥuzaten unṭṭaḍ n yinfafaden (ibirusen) seg yiɣersiwen, nutni seg tama-nsen sneṭṭedent i yimdanen nniḍen.  Amedya n n unfafad (abirus) Kuruna n waṭṭan n SRAS d-yekkan seg yimcac, naɣ abirus n Kuruna n waṭṭan n MERS d-yekkan seg yileɣman. Maca ayen yerzan aṭṭan n COVID-19, ulac ayen d-yettbegginen aya.

Iwakken ad tḥadrem iman-nwen, mi ara terzum ɣer leswaq ideg tnuzen iɣersiwen imuddiren, ur tmassat ara iɣersiwen-nni naɣ tiɣawsiwin tmassan iɣersiwen-nni. Tḥeqqenet d akken ad tḍefrem  iwellihen iwwatan n teɣlist deg wučči  di yal tiremt ladɣa deg ayen yerzan ikesman, ayefki d tgella ur newwi ara gdelet tuččit n yifarsen n yiɣersiwen ur newwi ara akken iwata.

Yezmer ad ayi-inṭṭeḍ waṭṭan COVID-19 seg uɣersiw-iw n uxxam ?

Xas ma yetwawekked-d umedya n uydi iḥuza waṭṭan Covid-19 deg tmurt n Hun Kung, maca ulac kra n tbut d-yeqqaren d akken aṭṭan yezmer ad yenṭṭeḍ seg uɣersiw n uxxam , d amcic naɣ d aydi.  Aṭṭan Covid-19 yttanṭṭaḍ ugar s tmiqwa d-yttanṭagen seg tussut naɣ iɛeṭṭisen n umdan t-yuḍnen. Iwakken ad tqerreɛeḍ fell-ak aṭṭan, ssizdeg ifassen-ik akken iwata yal tikkelt. Tuddsa Tagraɣlant n Tdawsa tezga teṭṭafar ayen yellan d isali amaynut d inadiyen ineggura yettwaxedmen ɣef waṭṭan n Covid-19.

Acḥal n wakud yettidir unfafad (ubirus) ɣef tɣawsisin ?

Ur neẓri s tidet acḥal yettidir ubirus n waṭṭan Covid-19 ɣef tɣawsiwin, maca ɣef akken d-iban, yettcabi aṭas infafaden (ibirusen) Kuruna nniḍen. Tizrawin skanyent-d d akken ibirusen Kuruna(ideg llant talɣutin yerzan abirus yellan d sebba n waṭṭan Covid-19) zemren ad idiren i kra n tsaɛtin naɣ kra n wussan. Imi anect-a icudd ɣer tegnatin yemxallafen ( taɣawsa, tifesniwin n lḥamu, nnda deg tegnewt).

Ma tcukkem d akkken kra n tɣawsa tluɣ s ubirus, zwiret ssiredet-t iwakken ad tenɣem abirus ad tsetnem iman-nwen d wiyyaḍ. Ssizdeget iffassen-nwen s umsizdeg aɣisim (alkuli) naɣ s waman d ṣṣabun. Dgelet ur tmassit ara imawen-nwen d wanzaren-nwen.

Zemreɣ ad d-ṭfeɣ akaraf seg temnaḍin ideg yebzuzer waṭṭan Covid-19 ?

IH, imihin n uluɣu n yikarafen s ubirus n kuruna Covid-19 d win yudren, alfus akken ad aken-yenṭṭeḍ waṭṭan covid-19 s ubrid n yikarafen  d win yudren nezzeh, imi deg umesni-nsen d tegnatin n tfesniwin lḥamu d imihinen yudren aṭas.

Llant iḥezziben i d-yewwi ad tent-ddmeɣ?

Tikliwin-a diri-tent i uqabel n waṭṭan Covid-19, yezmer ad ilint d imihinen :

  • Akeyyef
  • Asemres aṭas n tekmamin
  • Aɣam n yimgaluddiren (antibiotiques) (wali ma yellan kra n usafar naɣ n ulawi mgal aṭṭan Covid-19 ?)

    Akken yebɣu yili, ma tḥuza-ken tawla, tussut, d wuguren n uneffes, ssutret asejji ɣef zik lḥal iwakken ad tqerreɛem aṭṭan fell-awen, ssileɣet win d-yelhan s usejji ɣef imukan uɣur terziam deg ussan ineggura.

    Assaɣen n talɣut :

    Tansa taliktrunit ilmend n Covid-19

    Iwellihen n Tuddsa yerzan asikel