Aɣlif n tdawsa, n yimezdaɣ d usniles n yisegnafen s tallelt n Tuddsa Tagraɣlant n Tdawsa (OMS) di Lezzayer, iga yiwen uɣawas n taywalt ad yili d aḥric seg tsertit n ustan seg unfafad (ubirus) Kuruna. Aɣawas-a ntaywalt yus-ad srid seld anddahn unagraw n uswaḍ d tuɣtift deg aggur n Furar di tmurt-nneɣ seld mi d-tberreḥ Tuddsa Tagraɣlant n Tdawsa ɣef ubzuzer n unfafad Kuruna. Yettwasdusi unagraw-a seld mi d-iban umdan amenzu iḥuza waṭṭan n Kuruna ass n 25 furar 2020, wa d yiwen uṭelyani ixeddemen deg unẓul n tmurt, yewweḍ-d ɣer Lezzayer ass n 17 furar2020 seg tmurt n Ṭleyan.Aɣawas-a yebna ɣef snat tgejda, tamezwarut d asnulfu n yiwen wammas n yisawalen ɣef uṭṭun azegzaw 30-30, d win yemmuggren aṭas n yisawalen n yimezdaɣ yesteqsayen ɣef allalen iwatan d yiberdan d-yewwi ad ttwaḍefren ilmend uqerreɛ n waṭṭan Covid-19.

Tigejdit tis snat d tin yerzan d ismilen n talɣut s kraḍ n tutlayin, taɛrabt, tamaziqt d tefransist, d talɣut yettwazuzren ɣef wallalen n taywalt d tilibizyu, d rradyu d internet d uẓeṭṭa n uɣlif n tdawsa.

Deg uɣawas-a daɣen, ad d-yili uzuzer n yedlisen d tewlafin n uselɣu, d ayen yerzan imingen d yiskilen, inmahale deg yisagnen d yinafagen, rnu ɣer-s tuddsiwin d termisin d yimekwan ideg tettili tikli aṭas. ɣer tama n waya, Aɣlif n tdawsa yuzen iwellihen i yinemhalen n tdawsa deg lwilayat iwakken ad ssiǧehden tisekkirin ilmend n usunef i yemdanen ad remsen akked tmehliwin n tdawsa, ad d-yili wahil n uselɣu uzzig deg rradyuwat ɣef waṭṭanen n ubeḥri d waṭṭan Kuruna, imi d aṭṭanen yettemcabin deg limarat. Aɣlif ad yeg s uwatay timliliyin akked tɣamsa, yal mi ara d-yili kra n umaynut ɣef tikli d ubzuzer n ubirus Kuruna. Asebtar n uɣlif di Facebook, yessufeɣ-d daɣen aṭas n yeḍrisen yerzan aṭṭan n Kuruna, yettaɛraḍ ad d-yerr ɣef tuttriwin n yimezdaɣ ɣef waṭṭan-a.