LEZZAYER  TAMANEƔT – Aneɣlaf Amenzu, Abdelaziz Djerad, yeɣtes akken ad ilin wakaten imuyna i lmend n unagraw n usefrek n tezɣent tadawsant yeqqnen ɣer waṭan n Unfafad Bu Tesmert (Covid-19) s useɣzef n ukman uzgin deg uxxam i umenḍar n 15 n wussan, i d-yenna ass n usamas (lḥedd) yiwen n ulɣu n yimeẓla n uneɣlaf Amenzu ha-tt-an tukkist seg-s :

« Deg ukatar n yiɣtasen n Mass Aselway n Tegduda, Mass Abdelmadjid Tebboune, Aɣella unnig n Yiɣallen n tredsiwin, aneɣlaf n Temḥaddit taɣelnawt, seg yemcawar akked tesqamut tussnant n uḍfar n umhaz n waṭan n Unfafad Bu Tesmert (Covid-19) akked udabu adawsan, aneɣlaf Amenzu, yeɣtes Mass Abdelaziz Djerad akken ad ilin yikaten imuyna ɣef wakken yella deg unagraw n usefrek n tezɣent tadawsant i yes-s d-yegla waṭan n Unfafad Bu Tesmert (Covid-19).

Deg wayen yerzan akman uzgin deg uxxam :

Akaten n ukman uzgin deg uxxam ad as-nales tamuɣli akken ad t-nesseɣzef azal n yiwent n tenzagt n mraw d semmus (15) n wussan, am wakka :

Akaten n ukman uzgin deg uxxam seg simraw d sin (22) n yisragen ar azekka-nni ɣef usrag wis semmus (5) n tnezzut ad yettwasnes deg mraw d tẓa (19) n yigezda-a : Tabatent, Tibeskert, Blida, Tubiret, Tibest, Tlemsan, Tizi Wezzu, Lezzayer, Ǧiǧel, Sidi Belɛebbas, Qsenṭina, Msetɣanem, Tamsilt, Wehran, Bumerdas, Ṭṭaref, Tisemsilt, Timucent akked yiɣil Izzan.

Ur yerza ara wakaten n ukman-a deg uxxam simraw d tẓa (29) n yigezda-a : Adrar, Clef, Leɣwaḍt, Um Lebwagi, Bgayet Beccar, Tamenɣast, Tihert, Ǧelfa, S ṭif, Sɛida, Skikda, Ɛennaba, Galma, Mdiya, Mɛesker, Waregla, Lbeyyeḍ, Illizi, Lberǧ Buɛririǧ, Tinduf, Wad Suf, Tixencelt, Ssuq Ahras, Tipaza, Mila, Ɛin Defla, Nɛama akked Tɣerdayt.

Akaten-a n ukman ad ttwasnasen seg wass n uynas (letniyen) 15 furar 2021 d afella.

aps