LEZZAYER  TAMANEƔT – Yeɣtes Unabaḍ ass n ukwas (lexmis), d asnan n yiweṣṣiyen n uselway n Tegduda, Abdelmadjid Tebboune, aseɣzef n ukman deg uxxam, seg wass n ukwas (lexmis) d afella, seg usrag wis 20h ar wis 5h azekka-nni deg 29 n yigezda n tmurt, d akat n uḥezzeb i yettwaddmen almend n unagraw n usefrek n tezɣent tadawsant yeqqnen ɣer waṭan n Unfafad Bu Tesmert (Covid-19), i d-yenna yiwen n ulɣu n yimeẓla n uneɣlaf Amezwaru, ha-tt-an tukkist seg-s :

« Deg ukatar n usnas n yiweṣṣiyen n Mass Aselway n Tegduda, Mass Abdelmadjid Tebboune, Aɣella Unnig n Tdusiwin n Tredsiwin, Aneɣlaf n Temḥaddit Taɣelnawt yerna seg nemcawar akked tesqamut tussnant n uḍfar n umhaz n waṭan n Unfafad Bu Tesmert (Covid-19) akked udabu adawsan, Aneɣlaf Amenzu Mass Abdelaziz Djerad yeɣtes akken ad yesseɣzef i yikaten n uḥezzeb almend n unagraw n usefrek n tezɣent tadawsant yeqqnen ɣer waṭan n Unfafad Bu Tesmert (Covid-19).

Yers deg yiswi n uḥareb ɣef tdawsa n uɣerman akked tɛessast seg uzuzzer n waṭan n Unfafad Bu Tesmert (Covid-19), yerna yers deg yiwet n tikli n leḥder akked uleɣwi i nmeqqnen yiduba inagduden, akaten-a lan iswi n useɣzef n unagraw n umesten akked uḥezzeb yeddan akked umhaz n liḥala n waṭan.

Akaten-a ha-ten-in :

1. Deg wayen yerzan akman uzgin deg wexxam :

Akaten n ukman uzgin deg uxxam seg usrag wis simaraw (20h) ar azekka-nni ɣef wis semmus (05h) n tnezzut ad yettwasnas i simraw d tẓa (29) n yigezda-a : Leɣwaḍt, Um Lebwagi, Tabatent, Bgayet, Tibeskert, Blida, Tubiret, Tibest, Tlemsan, Tizi Wezzu, Lezzayer, Ǧiǧel, Sṭif, Sid Belɛebbas, Ɛennaba, Galma, Qsenṭina, Mdiya, Msetɣanem, Msila, Mɛesker, Wehran, Bumerdas, Ṭṭaref, Tisemsilt, Ssuq Ahras, Tipaza, Timucent akked Yiɣil Izzan.

Akaten-a n ukmlan ad ttwasnasen, seg wass n usiḍyas (ssebt) 16 Yennayer 2021, i tenzagt n mraw d semmus (15) n wussan.

aps