LEZZAYER  TAMANEƔT – La tetteddu Lezzayer s yiwet n tikli n « uḥader » deg wayen yerzan tagezzayt mgal n unfafad Bu Tesmert (Covid-19), i d-yenna uneɣlaf n Tdawsa, n Tɣerfa akked tsemmeskelt n yisegnafen, Aprufisur Abderrahmane Benbouzid, yules-d i unmeqqen n Uwanak akken ad yegg « afran amenyif » n ufaris-a i tɣerfa.

« Tiwin n tgezzayt mgal n Unfafad Bu Tesmert ad yeṭṭef akud i yessefken ad t-yeṭṭef, am nekni am wakk timura-iḍen. Llan tmura i d-yefkan azemz sakin beddlent ṛṛay-nsent. Aql-aɣ la nteddu s leḥder sdat n mennaw n tgezzayin i yellan deg ulzuz », i d-yesseɣret uneɣlaf, mi d-iɛedda, ass n ukras (larebɛa) tameddit, deg terga n Canal Algérie n Tliẓri taɣelnawt.

Yerna itebbet-d dakken ad yili uciweṛ n « tiwza tiɣelnawin » i wakken ad nrfren tagezzayt ara d-naɣ, inebgi n tesgilt « Santé MAG » yules-d i unmeqqen n yiduba inagduden akken « afran amenyif n tgezzayt i tɣerfa », deg wayen yerzan « azal, taɣara akked tmijewt ».

« Ayen iḍemnen, ur yettili ara ccek akken yebɣu yili », i iḥettet sakin yenna-d dakken akken yebɣu yili « uzal » ur izemmer ara ad aɣ-yeṭṭef ur nettaɣ ara afaris-a, yesmekti-d timliliyin i yessuddes akked tgensasin tidiplumatiyin n tmure yenmeqqnen deg temzizelt n ufares n tgezzayt mgal n Unfafad Bu Tesmert (Covid-19).

Yerna yezmel dakken « ar ass-a, ulac tagezzayt i yigduden, ḥala deg kra n tmura i igan tarmit n tekkayt tis 3 s uttekki n yiwiziwen », yesseddi-d dakken « ad nerǧu » ayyur i d-iteddun, iɣef d-carent, kra n tmura, asufeɣ ɣer wulzuz n tgezzayt ara yesnegren aṭan-a deg umaḍal.

aps