LEZZAYER  TAMANEƔT – Yiwet n tirkeft n Tazzirt tazeggaɣt n tazzayrit, ideg llan n 12 n yikamyunen iɛebban s yifarisen n usizdeg, tqelleɛ ass n usinas (ttlata) seg Leqṣer n tzikknin n Lezzayer tamaneɣt akken ad tejbu ɣer 48 n yigezda n tmurt i lfayda n taggayin tigellilin, aya deg ukatar n umennuɣ mgal Unfafad Bu Tesmert (Covid-19).

« D yiwet n temzelt yersen deg ukatar n useḍru n tsetratijit n Tazzirt tazeggaɣt tazzayrit, iqelɛen deg wayyur n yennayer-a aneggaru, iswi-s d attekki deg umennuɣ mgal n uzuzzer n waṭan n unfafad Bu Tesmert (Covid-19) », i d-yesseɣret uselway n Tazzirt tazeggaɣt tazzayrit, Saïda Benhabylès, almùend n uqelleɛ n tirkeft-a.

Tessezgi-d dakken afran n tsekka-a n tikci yeḍra-d seg i nwala dakken llant kra n twaculin i ur nezmir ara ad aɣent ifarisen-a n usizdeg akked ad mmestanen seg waṭan n Unfafad Bu Tesmert (Covid-19).

Massa Benhabylès tenna-d dakken tikci nefka i ugezdu n Lbeyyeḍ rnan-as akuli-iḍen iruḥen srid ɣer tiwaculin tiɣtas n uṭerḍeq n wurrig i d-yeḍran deg wayyur n tuber yezrin i d-yegla s tmettant n sḍis n yimdanen akked 17 iden d imejraḥ.

« Ad naf deg tikci-a yellan tiɣawsiwin n uɣerbaz, ifarisen n wučči akked tbessasin i yilufanen akked yimeqqranen« , i d-tesseddi, tfuṛes tagnit i wakken ad tini dakken yella yiwen n « wahi uzzig » i teɣtas n tmes i d-yeḍran imalas-a.

aps