LEZZAYER  TAMANEƔT – Aneɣlaf n Ugensu, n Tenbazin tidiganin, Kamel Beldjoud, yeɣra-d i yiɣellaten n yigezda ɣef wakken yessefk ad ddmen akaten « s tɣawla yerna d iweɛranen ugar » akken ad gebren azuzzer n Unfafad Bu Tesmert Covid-19, i d-yenna ass n ukwas (lexmis) yiwen n ulɣu n uɣlif.

Deg yiwet n temlilit s tili-sarag akked yiɣellaten n yigezda gan-tt i usekyed n liḥala tadawsant yerzan Anfafad Bu Tesmert (Covid-19), Mass Beldjoud yebɣa ad ilin « wakaten s tɣawla yerna d iweɛranen ugar akken ad negber azuzzer n waṭan akken ad nḥareb ɣef tdawsa tanagdudt ».

Iḥettet ɣef wakken yessefk ad yili « uqader n usmecceq anmetti, asizdeg n tsuda yemgarden, ladɣa tig iremsen taɣerfa akked uqader n tmelsiwt n tgelmust, rnu-as tuddma n wakaten n uɛaqeb mgal wid yeklalen », yeɣra-d uneɣlaf i « i usegrew n wakk allalen ama seg yidis n warrumen neɣ imdanen akked usegrew n tewtilin timenyifin deg temṣukin tidawsanin, rnu-as aḍman n tilin n yifarisen yemgarden yessefken ad ilin akked umennuɣ mgal n wakk talɣiwin n usetti ».

Deg temlilit-nni, i d-yeḍran iḍelli n usimwas (larebɛa), « liḥala tamatut yeqqnen ɣur waṭan-a yettwazikken-d yerna yettwasekyed, ladɣa amhaz yettwaseklen tikkelt-a taneggarut i d-yekkan seg war aqader aqader n usmecceg anmetti akked upruṭukul adawsan, ɣer yidis n tuɣalin s amahil n mennaw n yirmuden idamsanen, inmettiyen akked yisegmanen ».

Timlilit-a tettwasiggez srid deg « yiwet n tmuɣli ara yessiḍnen seg tneqqiḍ ar tayeḍ, i smemmin yiduba inagduden akken ad qablen anfafad Bu Tesmert (Covid-19), akken ad skerwin liḥala tasenfafadant akked usinef i usemɣer n taluft tadawsant akked tdamsant, am deg mennaw n tmura n umaḍal ».

Ɣef wakken i d-yenna ulɣu, timlilit-a d tagnit daɣen i fuṛsen akken « ad zzirgen ɣef wakken yessefk ad tettekki tmetti taɣarimt akked tiddukliwin tidiganin deg umennuɣ mgal waṭan, ladɣa aggat n teɣwalt akked tḥemliwin n usḥulfu n yiɣermanen deg wayen yerzan amihi n liḥala akked tmasit-nsen tamezwarut akken ad nqaber azuzzer n waṭan, rnu-as aqader n usmecceq anmetti, ma ulac ad nesmahel akaten imeqqranen.