LEZZAYER  TAMANEƔT – Sin n yimiḍiyen mraw d kuẓ (214) n liḥalat timaynutin yettwatebten i yeṭṭef unfafad Kuṛuna, 127 n wid ijin akked tmettant n 9 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n uynas (letniyen) deg Lezzayer tamaneɣt umutlay n Tesqamut tussnant n uḍfar n umhaz n waṭan n unfafad Bu Tesmert Covid-19, Amsuji Djamel Fourar.

Aɣrud n liḥalat yettwatebten yewweḍ ar 54.606 ideg llant 127 n liḥalat timaynutin, akka nessaweḍ ar 0,5 n liḥalat i 100.000 n yimezdaɣen deg 24 n yisragen-a ineggura, win n tmettanin yewweḍ ar 1.865 n liḥalat, ma d amḍan n yimuḍinen ijin yezger ar 38.215, i d-yesseddi Umsuji Fourar deg temlilit tayalast akked tɣamsa yerzan amhaz n waṭan n unfafad Bu Tesmert Covid-19.

Rnu-as, deg 17 n yigezda skelsen, deg 24 n yisragen-a ineggura, ddaw n 9 n liḥalat, deg 22 n yigezda-iḍen ur skelsen ula d yiwet n liḥala tamaynut, ma deg 9 n yigezda, skelsen ugar n 10 n liḥalat.

Seg yidis-iḍen, 39 n yimuḍinen ha-ten-in ddaw n tmacinin n usnuffes, i yerna yenna-d.

Yezzireg-d umasay-nni dakken liḥala tasenbayyurant n yimir-a tḥettem-d ɣef uɣerman taɛessast akked uqader n yilugan n tezdeg akked usmecceq tafekkant, yesmekti-d daɣen aqader n ukman akked tmelsiwt n tgelmust.