LEZZAYER  TAMANEƔT – Aneɣlaf n Tdawsa, n Tɣerfa akked Tsemmeskelt tasegnafant yeɣra-d ass n (ssebt) iɣermanen akken ad qadren iwellihen yerzan akaten n uḥezzeb i wakken ur ssawaḍen ara tadawsa-nsen, tin n twacult-nsen akked tin n tmetti ɣur umihi.

« Liḥala tasnanfafadant n yimir-a deg umaḍal n waṭan n Unfafad Bu Tesmert Covid-19 akked unernu n liḥalat deg tmurt-nneɣ ad tetter tafrit n wakk iɣermanen akken ad qadren iwellihen yerzan akaten n uḥezzeb i wakken ur srusun ara tadawsa-nsen, tin n twacult-nsen akked tin n tmetti deg umihi », i d-yenna uneɣlaf deg yiwen n ulɣu.

« Neɣra-d, i tikkelt-iḍen, i wakk iɣermanen akken ad allen ussisen i la netteg akken ad neg tilisa i uzuzzer n waṭan-a deg tmurt-nneɣ, s uqader n wakaten, gar-asen tezdeg n yifassen, asmecceqa afekkan akked tmelsiwt n teḥlast deg wakk idgen akked wukuden », i d-yezzireg uɣbalu-nni.

Aɣrud i yettwakelsen deg 24 n yisragen-a ineggura deg tmurt n Lezzayer yewweḍ ar 221 n liḥalat timaynutin i yettwatebten, 126 i jin akked tmettant 5 n yimuḍan.

Aneɣlaf n Tdawsa, n Tɣerfa akked Tsemmeskelt tasegnafant, Abderrahmane Benbouzid iḥettet melmi kan ɣef wakken yessefk ad tili tɛessast akken ad nessinef i lmuǧa tis snat n waṭan s uqader kan n wakaten n uḥezzeb.