LEZZAYER  TAMANEƔT – Sin n yimiḍiyen kramraw d sin (232) n liḥalat timaynutin yettwatebten i yeṭṭef unfafad Kuṛuna, 159 n wid ijin akked tmettant n 13 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n uynas (letniyen) deg Lezzayer tamaneɣt umutlay n Tesqamut tussnant n uḍfar n umhaz n waṭan n unfafad Kuṛuna, Amsuji Djamel Fourar.

Aɣrud n liḥalat yettwatebten yewweḍ ar 48 966, ideg llant 232 n liḥalat timaynutin, akka nessaweḍ ar 0,5 n liḥalat i 100.000 n yimezdaɣen deg 24 n yisragen-a ineggura, win n tmettanin ar 1645 n liḥalat, ma d amḍan n yimuḍinen ijin yezger ar 34 517, i d-yesseddi Umsuji Fourar deg temlilit tayalast akked tɣamsa yerzan amhaz n waṭan n unfafad Kuṛuna.

Rnu-as, deg 22 n yigezda skelsen deg 24 n yisragen-a ineggura ddaw n 10 n liḥalat, deg 8 igezda-iḍen skelsen ugar n sḍis n liḥalat, ma deg 18 n yigezda-iḍen ur skelsen ula d yiwet n liḥala.

Seg yidis-iḍen, 31 n yimuḍinen ha-ten-in ddaw n tmacinin n usnuffes, i yerna yenna-d.

Yezzireg-d umasay-nni dakken liḥala tasenbayyurant n yimir-a tḥettem-d ɣef uɣerman taɛessast akked uqader n yilugan n tezdeg akked usmecceq tafekkant, yesmekti-d daɣen aqader n ukman akked tmelsiwt n tgelmust.