LEZZAYER TAMANEƔT – Ttwawekkdent-d snat n tmaḍ samraw snat (272) n tejṛa timaynutin n unfafad bu uqacuc, 183 n tujjyiwin d 10 n tmettanin deg 24 n yisragen ineggura deg Lezzayer, ɣef wakken ay d-yenna, ass n ukwas deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.

Aɣrud n tejṛa d-yettwawekkden yewweḍ ɣer 47 844, gar-asent, 272 n tejṛa timaynutin neɣ 0,6 i yal 100.000 n yimezdaɣen deg 24 n yisragen ineggura. Aɣrud n tmettanin yewweḍ ɣer 1591 n tejṛa. Ma d amḍan n yimuḍinen yejjin yewweḍ ɣer 33 562 ɣef wakken ay d-yenna Uduktur Fourar deg umyager ayalas d tɣemsa ay d-yellan i uḍfar n umhaz n tkaɣreft n unfafad bu uqacuc.

Seg yidis niḍen, 21 n twilayin ay d-iwekkden ddaw 10 n tejṛa timaynutin deg 24 n yisragen ineggura. 8 n twilayin kelsent-d ugar n 10 n tejṛa. Ma d 19 n twilayin ur d-klisent ula d yiwet n tejṛut.

Seg tama niḍen, 39 n yimuḍinen ay yellan deg usesfer aneẓẓaw, ɣef wakken ay d-ixebber.

Iwekked-d umasay-a, daɣ, dakken tagnit tasenbayyurant aydeg tella tmurt d tin ay d-iḥettmen ɣef yal aɣerman ad iḥader iman-nnes, ad yezrek ilugan n wuɣus d umgugu afekkan yernu ad yezrek asekmen  am wakken ay yessefk ad yeqqen tagelmust.