LEZZAYER TAMANEƔT – Ttwawekkdent-d snat n tmaḍ tamraw ṭẓat (289) n tejṛa timaynutin n unfafad bu uqacuc, 240 n tujjyiwin d 6 n tmettanin deg 24 n yisragen ineggura deg Lezzayer Tamaneɣt, ɣef wakken ay d-yenna, ass n uynas deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.

Aɣrud n tejṛa d-yettwawekkden yewweḍ, s waya, ɣer 46.653, gar-asent 289 n tejṛa timaynutin neɣ 0,7 i yal 100.000 n yimezdaɣen deg 24 n yisragen ineggura. Aɣrud n tmettanin yewweḍ ɣer 1562 n tejṛa. Amḍan n yimuḍinen yejjin yewweḍ ɣer 32.985, ɣef wakken ay d-yenna Uduktur Fourar deg umyager ayalas n tɣemsa ay d-yellan ɣef umhaz n tkaɣreft n unfafad bu uqacuc n Covid-19.

Seg yidis niḍen, 16 n twilayin ay d-iwekkden gar 1 d 9 n tejṛa deg 24 n yisragen ineggura. 10 n twilayin niḍen wekkdent-d ugar n 10 n tejṛa, deg wakud aydeg 22 n twilayin ur d-wekkdent ula d yiwet n tejṛut.

Seg tama niḍen, 43 n yimuḍinen ay yellan deg usesfer aneẓẓaw, ɣef wakken ay d-ixebber.

Amasay-a iwekked-d dakken tagnit tasenbayyurant aydeg tella tmurt d tin ay d-icerḍen ɣef yal aɣerman ad yeqqen tagelmust, ad yezrek asekmen, am wakken ara yezrek ilugan n wuɣus d umgugu afekkan. Yesmekti-d daɣ dakken yessefk ad sseḥbibren yiɣermanen ɣef tdawsa n yimɣaren d wid yesɛan aḍḍanen yezgan.