LEZZAYER TAMANEƔT – Ttwawekkdent-d kraḍt n tmaḍ d kuẓet (304) n tejṛa timaynutin n unfafad bu uqacuc, 253 n tujjyiwin d 8 n tmettanin deg 24 n yisragen ineggura deg Lezzayer, ɣef wakken ay d-yenna, ass n usimwas deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.

Aɣrud n tejṛa d-yettwawekkden yewweḍ ɣer 45.773, gar-asent 304 n tejṛa timaynutin, neɣ 0,7 n tejṛa i yal 100.000 n yimezdzɣen deg 24 n yisragen ineggura. Aɣrud n wid yemmuten yewweḍ ɣer 1539, ma d aɣrud n wid yejjin yewweḍ ɣer 32.259, ɣef wakken ay d-yenna Uduktur Fourar deg umyager ayalas n tɣemsa ay d-yellan i uḍfar n umhaz n tkaɣreft n unfafad bu uqacuc n Covid-19.

Seg tama niḍen, 18 n twilayin ay d-ikelsen gar 1 d 9 n tejṛa deg 24 n yisragen ineggura. 12 n twilayin niḍen kelsent-d ugar n 10 n tejṛa, deg wakud aydeg 18 n twilayin aydeg ur d-klisen ula d yiwet n tejṛut.

Seg yidis niḍen, 42 n yimuḍinen ay yellan deg usesfer aneẓẓaw, ɣef wakken ay d-ixebber.

Iwekked-d umasay-a dakken tagnit tasenbayyurant n tmurt d tin ay d-iḥettmen ɣef yal aɣerman ad iḥader iman-nnes, ad yezrek ilugan n wuɣus d umgugu afekkan, ad yezrek asekmzen yernu ad yeqqen tagelmust.