LEZZAYER TAMANEƔT – Yewweḍ umḍan n Yizzayriyen ay d-yettwassuɣalen ɣer tmurt ɣef lǧal n uzraɛ n tkaɣreft n unfafad bu uqacuc deg Meɣres yezrin ɣer 30.863, ɣef wakken ay d-yenna, ass n ukwas, yiwen n ulɣu n uɣlif n yiweẓla iwerdaniyen.

« Amḍan n yiɣermanen iweḥlen deg uzɣar ɣef lǧal n uzraɛ n tkaɣreft n unfafad bu uqacuc n Covid-19 ay d-yettwassuɣalen ɣer tmurt seg wasmi ay d-bdant temhal n usuɣal gar Meɣres d Ctembeṛ n 2020 ɣer 30.863. Iduba izzayriyen sbegsen-d, i lmend n waya, 115 n waffugen d 4 n yizgaren ɣer yidis n temhal n usuɣal s ubrid akalan n yiɣermanen iweḥlen deg Tunes, Libya d Muriṭanya, ɣef wakken ay d-yenna ulɣu-a.

« Timhal n usuɣal ɣer tmurt ad kemmlent deg takkayt-nsent tis kuẓet d tneggarut. 631 n yiɣermanen ay d-yewwḍen ussan n 28 d 29 Ɣuct 2020 seg unafag n Orly n Paris (Fṛansa) deg wakud aydeg sin n waffugen niḍenn ara d-yilin ussan n 5 d 11 Ctembeṛ 2020 seg unafag-a », ɣef wakken ay d-yerna uɣbalu-a.