LEZZAYER TAMANEƔT – Ttwawekkdet-d kraḍt n tmaḍt simraw semmus n tejṛa timaynutin n unfafad bu uqacuc, 253 n tujjyiwin d 7 n tmettanin deg 24 n yisragen ineggura deg Lezzayer, ɣef wakken ay d-yenna, ass n ukras deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.

Aɣrud n tejṛa d-yettwawekkden yewweḍ ɣer 45.158, gar-asent 325 n tejṛa timaynutin, neɣ 0,7 n tejṛa i yal 100.000 n yimezdaɣen deg 24 n yisragen ineggura. Aɣrud n wid yemmuten yewweḍ ɣer 1525 n tejṛa. Ma d amḍan n yimuḍinen yejjin yewweḍ ɣer 31.746, ɣef wakken ay d-yenna Uduktur Fourar deg umyager ayalas n tɣemsa ay d-yettilin i uḍfar n umhaz n tkaɣreft n unfafad bu uqacuc.

Seg yidis niḍen, 16 n twilayin ay d-iḥesben, deg 24 n yisragen ineggura, gar 1 d 9 n tejṛa. 12 niḍen ḥesbent-d ugar n 10 n tejṛa, deg wakud aydeg 20 n twilayin ur d-ḥsibent ula d yiwet n tejṛut.

Seg yidis niḍen, 35 n yimuḍinen ay yellan, imir-a, deg usesfer aneẓẓaw, ɣef wakken ay d-ixebber.

Amasay-a iwekked-d dakken tagnit tasenbayyurant tanimirt d tin ay d-iḥettmen ɣef yal aɣerman ad iḥader yernu ad yezrek ilugan n wuɣus d umgugu afekkan, am wakken ay d-yesmekti dakken yessefk ad qadren yiɣermanen asekmen yernu ad tteqqnen tigelmusin.