LEZZAYER TAMANEƔT – Ttwawekkdent-d kuẓet n tmaḍ d yiwet (401) n tejṛa timaynutin n unfafad bu uqacuc, 287 n tujjyiwin d 6 n tmettanin deg 24 n yisragen ineggura deg Lezzayer, ɣef wakken ay d-yenna, ass n usimwas deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.

Aɣrud n tejṛa d-yettwawekkden yewweḍ ɣer 41.068, gar-asen 401 n tejṛa timaynutin, neɣ 0,9 n tejṛa i yal 100.000 n yimezdaɣen deg 24 n yisragen, am wakken ay mmuten 1424 n yimdanen seg waḍḍan-a seg wasmi ay d-yebda deg Lezzayer yernu jjin 28.874, ɣef wakken ay d-yenna Uduktur Fourar deg umyager ayalas n tɣemsa ay d-yellan ɣef umhaz n tkaɣreft n unfafad bu uqacuc.

Seg yidis niḍen, 17 n twilayin aydeg d-ttwawekkdent gar 1 d 9 n tejṛa, 16 niḍen ttwawekkdent-d deg-sent ugar n 10 n tejṛa, deg wakud aydeg 15 n twilayin aydeg ur d-tettwawekked ula d yiwet n tejṛut, ɣef wakken ay d-tebder tecrawt-a.

Seg tama niḍen, 49 n yimuḍinen ay yellan, imir-a, deg usesfer aneẓẓaw, ɣef wakken ay d-yerna Uduktur Fourar.

Deg tgara, iwekked-d umasay-a dakken tagnit tasenbayyurant yellan imir-a deg tmurt d tin ay d-iḥettmen ɣef yal aɣerman ad yerr lwelha-nnes yernu ad iqader ilugan n wuɣus d umgugu afekkan, am wakken ay d-yesmekti dakken yessefk ad qadren medden asekmen yernu ad lsen tigelmusin.