LEZZAYER  TAMANEƔT – La tettmahal Lezzayer i wakken ad tili seg tmura timezwura ara d-yawin tagezzayt tamaynut mgal n Unfafad Bu Tesmert (Covid-19), i d-yesseɣret, ass n uynas (letniyen), umutlay n Tesqamut tussnanat n uḍfar n umhaz n waṭan n Unfafad Bu Tesmert, amsuji Djamel Fourar.

Deg yiwet n tseɣrut i tɣamsa, mi yekfa usimel n tecrawt tayalast n uḍfar n umhaz n waṭan deg tmurt n Lezzayer, Mass Fourar yemmeslay-d ɣef « uɣtas n Yiduba inagduden i wakken ad nili seg tmura timezwura ara d yawin tagezzayt, mi ara d-tewǧed deg ulzuz agraɣlan », yeḍmen-d dakken « la tettmahal Lezzayer i usedgi n yiman-is akken ad tili deg usihar ».

Yezzireg-d dakken 199 n tnarmin yellan deg umaḍal la ttmahalent i wakken ad afent tagezzayt, yesseddi-d Umsuji Fourar dakken 5 neɣ 6 n tnarmin « skelsent afara » deg unadi-nsent.

Aneɣlaf Amezwaru, Abdelaziz Djerad yenna-d, ass n usamas (lḥadd) dakken Lezzayer « ad tili seg tmura timezwura ara d-yawin tagezzayt n mgal n Unfafad Bu Tesmert Covid19 ».

Yenna-d i tɣamsa deg taggara n yiwet n temlilit taɣlifan yerzan anadi deg wulzuz n tgezzayin mgal-anfafad, ideg ttekkan mennaw n yineɣlafen akked unemhal amatu n Usudu Pasteur, dakken « timlilit-a teḍra-d seg d-iweṣṣa fell-as Uselway n Tegduda, Mass Abdelmadjid Tebboune, i uckaḍ n yinermisen i yessefken ad ilin akked tmura yeddan deg yinadiyen-nsen akken ad farsen tagezzayt amgal n unfafad ». Lezzayer, s yisem-is d tamurt akked unabaḍ, ad tili seg tmura timezwura ara d-yawin tagezzayt », i d-yenna

aps