LEZZAYER  TAMANEƔT – Fkan irebbi i umennuɣ mgal n waṭan n Unfafad Bu Tesmert, imsaduren n tdawsa mmahlen s tɣersawt akked tebɣest yeklalen asnemmer, acku tuɣdaḍt-nsen tettban-d tikci n yiman. Yerna d tidet, amahil deg wattal aweɛran, rsen akk deg nnican n tekriḍt ur nesɛi ara lsas.

« Neǧǧa tiwaculin-nneɣ akked yixxamen-nneɣ, nsers tameddurt-nneɣ ɣef yiri n tmettant i wakken ad nessukkes timeddurin-nwen, qimet deg yixxamen-nwen ». Izen-a, yezgan la yettazzal deg yiẓeḍwa inmettiyen akked wallalen i gan yimsaduren n tdawsa, tetti mačči d yiwen. Aya, yemmal-d liḥala n dir ideg llan yimsujiyen, akked yimehhalen n ugzum, yersen deg yizirig amezwaru n umennuɣ mgal n unfafad Bu TesmertCocid-19.

Wid i umi semman « iserdasen imellalen » ḥulfan i yiman-nsen, d tidet, ttwaṭṭfen gar tɣemdatin n yiɣri n lwaǧeb, tagallit ggullen akked yimihi ɣef tmeddurt-nsen. D yiwen n wafray yellan deg yiman n umdan yettaǧǧa deg waṭas n tikkal i ufray ẓẓayen : d win n usukkes seg tmettant n tmeddurt n wiyaḍ.

Akken yebɣu yili usegnaf neɣ d tamṣukt n tdawsa tanagdudt ideg la yettmahal umdan-nni, nnan-d akk dakken « tiwtilin n umahil d weɛranin, yerna-d reffu imezgi », yernu ur zmiren ur bɣin ad rewlen fell-as.

Ma yella llan kra ḥebsen amahil s wudem azerfan deg liḥala-a tafeɣnamit, tugget n yimehhalen kemlen amahil-nsen deg yimeḍqan-nsen, ɣas akken yella yimihi ɣef tfekka-nsen akked tmeddurt-nsen, ula d idis asnafsan ur yettwazgel ara.

APS