LEZZAYER  TAMANEƔT – Imiḍi samraw d yiwen (171) n liḥalat timaynutin yeṭṭef Unfafad Bu Tesmert Covid-19, imiḍi mraw tam (118) n wid yejjin akked tmettant n tam (8) n yimuḍinen i skelsen deg 24 n yisragen-a ineggura deg tmurt n Lezzayer, i d-yenna ass n ukras (larebɛa) deg Lezzayer tamaneɣt umutlay n Tesqamut tussnant n uḍhar n umhaz  n waṭan n Unfafad Bu Tesmert Covid-19, Amsujji Djamel Fourar.

Aɣrud n liḥalat yettwatebten yewweḍ ar 12248, akka 28 n liḥalat i 100.000 n yimezdaɣen, win n tmettanin ar 869 ma d amḍan n yimuḍinen yejjin yezger 8792, i d-yesseddi Umsuffi Fourar, deg temlilit tayalast akked tɣamsa yerzan amhaz n waṭan n Unfafad Bu Tesmert Covid-19.

Iger-d tamawt dakken imdanen ilan deg leɛmer-nsen 65 neɣ ugar n yiseggasen ggensasen 66% seg uɣrud n tmettanin. Rnu-yas, skelsen deg 29 n yigezda itugen ddaw n utug aɣelnaw, ma deg 11 iḍen ur skelsen ula d yiwet n liḥala tamaynut n Unfafad Bu Tesmert Covid-19 deg 24 n yisragen-a ineggura.

Seg yidis-iḍen, amḍan n yimdanen iduwan s ddwa n upruṭukul ilan azadur n ’’Hydroxy-chloroquine’’ yewweḍ ar 26631, i yerna yenna-d Umsujji Fourar, yesseddi-d dakken 45 n yimuḍinen ha-ten-in imir-a ddaw n tmacicin n usnuffes.

Yenna-d Umsujji Djamel Fourar, almend n tegnit-a, dakken ‘’war aqader n wakaten n uḥezzeb, ladɣa timelsiwt n tgelmusin n umesten, tezmer ad tessiweḍ tadawsa n ugdud s amihi’’, yeɣra-d i yiɣermanen ‘’i wakken ad ɛassen iman-nsen, ad letɣen ɣer wussisen i wakken ad nessenɣen azuzzer n Unfafad’’.

aps