ADDIS ABEBA – Minata Samate Cessouma, Tamasayt n yiweẓla isertanen n Tdukkli tafriqit (UA), teɣra-d i wakken ad tili yiwet n « tmuɣli iweqmen » deg wayen yerzan tallalt n yizrazaren deg twala-a n waṭan n Unfafad Bu Tesmert Covid-19.

Temmeslay-d almend n Wass agraɣlan n yizrazaɣen, i d-iɣellin yal aseggas deg wass n 20 yunyu, deg yiwet n temlilit s wallal n Internet, Minata Samate Cessouma teɣra-d i wakken ad tili « yiwet n tmuɣli iweqmen deg wayen yerzan tallalt n yizrazaren, i yimdanen ibeddlen amḍiq deg yigensa n tmura-nsen, s tikci n uzal ladɣa i tulawin akked tullas tizrazarin deg twala-a n waṭan n Unfafad Bu Tesmert Covid-19.

D yiwet n « tiddin tucrikt, tagensit, tagtagzumant i wakken ur nettaǧǧa ula d yiwen deg teɣmert », i d-tessegzi, tezzireg-d dakken yessefk « ad neḍmen anekcum n tsekta tewsit deg wakk ahilen, asiẓref iǧehden, isenfaren yeddan akked tlawin akked tullas tizrazarin ».

Ɣef wakken i d-tenna tmasayt n Tdukli tafriqit, ddren yizrazaren deg yiwet n liḥala yehtutan, d ayen ara izemren ad yesɣiwen azuzzer n waṭan n Unfafad Bu Tesmert Covid-19 i yeɛdebban ɣef yicqirwen deg wakk tiɣula.

Ɣef wakken i d-tenna tmasayt, aya yezmer ad yerr ɣer deffir lfayda n wussisen i useḍru i yisirmen n tesmektayt n 2063 n Tdukli tafriqit akked yiswan n tneflit tunzigt segmi tebda Tesmektayt 2020 n Yiɣlanen Yedduklen ».

Almend n waya, i d-tenna, « nessebɣas Iwanaken inesɣuma n Tdukli tafriqit i wakken ad ḥarben ɣef wussisen yettwagen seg yidis n yinabaḍen, terra akin i tririt adawsan i waṭan n Unfafad Bu Tesmert Covid-19 i wakken ad nwali tamsal-a s umata akked wayen i yes-s ara d-teglu seg yidis asertan , anmetti, anmetti, adamsan akked walsan n waṭan n Unfafad Bu Tesmert Covid-19 ».

Tafriqt mazal la d-tremmes yiwen n umḍan ameqqran n yimdanen yettembiwlen d iɣil deg umaḍal, akka 27 n yimelyunen  ideg llan 19,2 n yimelyunen n umbiwel agensu akked 7,8 n yimelyunen n yizrazaɣen, s waṭas n yisutren i wakken ad inigen, ɣef wakken i d-tenna Tiddukla tafriqit.

aps