LEZZAYER  TAMANEƔT – Imesnayen n yimessiklen, inagduden akked wusligen, la ttheyyin akaten yemgarden n umesten mgal n uzuzzer n unfafad Bu Tesmert Covid-19, almend n tuɣalin ɣer yirmuden-nsen seg ara yettwakken ukman, i d-nnan i Tnegga n Yisalan n Lezzayer yimsaduren n ugzum.

Deg uraǧ n tuɣalin ɣur umahil-nsen, imsaduren n umesni n yimessiklen, heyyan asnas n wakaten imaynuten i yessefken ad ilin i wakken ad ssinfen i uzuzzer amaynu n waṭan gar yimessiklen deg uswir aɣelnaw.

Ɣef wakken i d-yenna uselway n Tfidiralit taɣelnawt n umesni n yimessiklen akked walzaz (FNTV), yeqqnen ɣur UGCAA, Abdelkader Boucherit, amesten n yinehhaṛen akked yimessiklen i d amezwaru s tigawin yemgarden yettuɣalen d uggug i waṭan iɣef d-nnant tsuda tidawsanin n tmurt.

Tilsin n tgelmusin, tarsalt tamanant taɣismant akked usmecceq anmetti d igellas imezwura iɣef la tettmahal tfidiralit, deg uraǧu n tukksa n ukman cwiṭ cwiṭ ɣef ugzum.

Ɣef wakken i d-yenna umasay-nni, imesnayen n yimessiklen akked yilzazen heyyan i wakken ad uɣalen ɣur umahil-nsen, ɣas akken ur temmid ara, s leqder n yilugan n tɣellist tadawsant. Yerna akman-a yesḥebsen irmuden-nsen, i d-yenna, isers ddeqs n yisemzalen n ugzum deg yir taswiɛt n tiẓraf.

« Tuɣalin s amahil ɣas ad tili d taddayant ad tissiweḍ imehhalen n ugzum ad awin xerṣum ayen i yes-s ara ṣerfen deg wass », i d-yenna.

Seg yidis-is, Mohamed Belkhous, aselway n Tfidiralit taɣelnawt n yinehharen n yiṭaksiyen, teqqen daɣen ɣur UGCAA, yenna-d dakken amḍan n yimsaɣen deg yiwet n tkeṛṛust ad yenɣes war ma yesseddi-d amḍan-is

aps