Lezzayer Tamaneɣt  Tiferkit n webrid n tufɣa seg wekman, id yellan s sseba n unfafad n coronavirus (Covid 19), ad tili « tafarant d tamleɣwayt » yesefk ad tili « s waccil » ɣef leḥsab n isemtar n udabu adawsan s lemcawrat akked yecriken inmettanen, id yewekked ass n larebɛa uneɣlaf amenzu, Mass Abdelaziz Djerad.

Mass Djerad, i yesselwin, yiwet n temlilit id yellan s usarag n tezrawit akked unabaḍ, yesmektad iwehhiyen n uselway n tegduda yerzan tamsalt a, yerna yennad dakken « Tiferkit n webrid n tufɣa seg wekman, ar ad yilin d tafarant yerna d tamleɣwayt,  yesefk ad tili s waccil ɣef leḥsab n isemtar n udabu adawsan s lemcawrat akked yecriken inmettanen ».

Yerna yewekked ed, ilmend n temlilit a, dakken « tadawsa n yiɣermanen ad teqqim d aɣbel uzwiran n yiduba inagduden ».

aps