LEZZAYER TAMANEƔT – Ttwasebḍen wakuden n umahil n deffir lɛid ameẓyan arma d ass n 29 Mayu s tuddma n usekmen deg uxxam deg leḥsab deg ukatar n uḥezzeb mgal unfafad bu uqacuc, ɣef wakken ay d-yenna yiwen n ulɣu n twuri tanagdudt.

« S tuddma deg leḥsab n wakaten inimiren yerzan usekmen deg uxxam i uḥezzeb mgal unfafad bu uqacuc, akuden n umahil n tsuda d tdeblin tinagdudin n deffir lɛid ameẓyan ttwasebḍen seg wass n usamas arma d ass n ukwas arma d 29 Mayu 2020, yernu ad ilin am wakka:

– Seg tis 8:00 n tnezzayt arma d tamezwarut n tmeddit i yimahalen n twilayt n Leblida (yellan deg usekmen seg tis snat n tmeddit arma d tis sat n tnezzayt n uzekka-nni)

– Seg tis 8:00 n tnezzayt arma d tis 4:00 n tmeddit i yimahalen n twilayin n Bgayet, Tlemsan, Tizi Uzzu, Lezzayer, Sḍif, Lemdeyya, Wehṛan, Tipaza d Ɛin Ddefla (yellan deg usekmen seg tis 5:00 n tmeddit arma d tis 7:00 n tnezzayt n uzekka-nni)

– Seg tis 8:00 n tnezzayt arma d tis 4:30 n tmeddit i yimahalen n twilayin niḍen (yellan deg usekmen seg tis 7:00 n tmeddit arma d tis 7:00 n tnezzayt n uzekka-nni)

Tamehla Tamatut n Twuri Tanagdudt tettxebbir-d daɣ dakken imdanen ur rzin ara wakaten n usekmen amuran deg uxxam d wid yesɛan isirgen uzzigen n tiddit deg wakud n usekmen ad ḍefren kan akuden-nsen unnimen n umahil.

Ass n 12 Mayu yezrin, ametwi n usekmen amuran deg uxxam yettwasseɣzef i tallit tamernant n 15 n wussan (arma d 29 Mayu), ɣef wakken ay d-yenna ulɣu ay d-ssuffɣen yimeẓla n uneɣlaf amenzu.

aps