PARIS – Tger-d tiɣri Tiddukla Tagraɣlant n Umesni Agennan, ass n ukras, i lmend n uqader n wakaten yemgerraden yerzan amesten seg unfafad bu uqacuc, gar-asent timelsiwt n tgelmust d usefqed n teẓɣelt n yimsiklen, akken ad d-tuqqla n umesni agraɣlan akken iwata, ɣef wakken ay d-nnan yimidyaten idiganen.

Seg leɛḍil ad d-taweḍ tgezzayt mgal unfafad bu uqacuc, imsukkiyen affalanen neɣ arramen n ukcaf n unfafad bu uqacuc ara yettwasqedcen s lqis d awesɛan, Tiddukkla Tagraɣlant n Umesni Agennan tger-d tiɣri i useqdec n wakaten yemgerraden n umesni i lmend n uḍman n tɣellist n umesni agennan seg unfafad-a.

D acu kan, tenna-d tiddukla-a dakken tugi ad ttwaɛezlen yimsiklen mi ara awḍen ɣer tɣerwaḍin-nsen. Ɣef leḥsab n tiddukla-a, 69% seg yimsiklen ad agin ad ssiklen mer ad ttwaɛezlen i tallit n 14 n wussan mi ara awḍen ɣer tɣerwaḍt-nsen.

Deg wayen yerzan iglan n umesni agennan, tenna-d tuddsa-a dakken agzum-a ur yetteqqal ara ɣer uswir-nnes aqbur arma d 2023, yernu d agzum n umesni agennan daxel tlisa n tmura ara iqelɛen d amezwaru uqbel umesni agennan agraɣlan.

Tuddsa-a, aydeg ttekkant 290 n tkebbaniyin tigenanin, tessefra-d dakken deg 2021, azlay agennan ad d-yenqes s 24% ɣef leḥsab n uswir wuɣur yewweḍ deg 2019, yernu amesni agennan ur yettales ara ad yeqleɛ arma d akraḍyur wis kraḍ n 2020 s urẓam n yizirigen igensiyen.

Nnig waya, asduqqes n umesni agennan agraɣlan yeqqen daɣ ɣer urẓam n tlisa tigraɣlanin d unya n unerni anmaḍal.

Ɣef leḥsab n yiwet n tsenqadt ay tga Tiddukla Tagraɣlant n Umesni Agennan, 58% n yimsiklen yettwattren ay d-yennan dakken, deg tazwara, ad ssiklen kan daxel tmura-nsen.

aps