LEZZAYER TAMANEƔT – Yenna-d uɣlif n usegmi aɣelnaw, ass n usamas, dakken ad yesseɣzef tallit n usigel n tmeɣra arma d ass n ukras 29 Yebrir deg wakk iɣerbazen n usegmi d uselmed n wakk iswiren.

« S uqader n waɣaden n uselway n tegduda, Mass Abdelmadjid Tebboune, d usnas n uɣtas n uneɣlaf amenzu n wass n 18 Yebrir 2020 ɣef useɣzef n umetwi animir n usekmen d wakk akaten n uḥezzeb ay d-yeddan yid-s i tallit n 10 n wussan niḍen, seg 19 Yebrir ɣer 29 Yebrir n 2020, aɣlif n usegmi aɣelnaw yettxebbir-d dakken ad yesseɣzef asigel n tmeɣra deg wakk iɣsuren n usegmi d uselmed n wakk iswiren, yernu ad ikemmel waya arma d 29 Yebrir », ɣef wakken ay d-yenna ulɣu n uɣlif.

I lmend n waya, aɣlif iwekked-d dakken ad ikemmel ad isennes tigawin d-yeddan deg uɣawas utrib ay d-yettwaheyyan i lmend n umsaka n temsirin n ukraḍyur wis 3 d ubdad i yibalmuden s ṛṛadyuwat tidiganin s usemyuddes d tmehliwin n usegmi.

Ad kemmlen asɛeddi n tifratin n yiluɣlma deg ṛṛadyu s unmireg d Wammas n Unadi ɣef Uselɣu Ussnan d Utwilan (CERIST) i lfayda n tneɣriyin ara yesɛeddin ikayaden ixataren (aseggas wis 5 n uwsir amenzu, aseggas wis 4 n uswir alemmas d useggas wis 3 n uswir asinan) yernu ad d-ɛeddint tesgilin-a ɣef leḥsab n wakud ara d-yeffɣen deg yiwen n ulɣu i lmend n waya.

Nnig waya, iwekked-d uɣlif n usegmi aɣelnaw dakken asɛeddi n temsirin n ukraḍyur wis 3 ad ikemmel deg 17 n tregwa n Youtube i lfayda n wakk ibalmuden n 3 n yiswiren n uselmed, am wakken ara d-ɛeddint deg tesgilt n tliẓri n « Mafatih En-najah » (Tisura n rrbeḥ) i lfayda n yibalmuden n tneɣriyin n ukayad, timsirin n udhal aɣurbiz deg tɣerɣert tumḍint n Usira Aɣelnaw n Uselmed d Usileɣ Anemgag i yibalmuden n useggas wis 4 n uswir alemmas d wis 3 n uswir asinan.

Deg tgara, aɣlif iger-d tiɣri i wakk imaslaḍen n tfekka n usegmi akken ad qadren akk akaten n uḥezzeb, ladɣa deg wayen yerzan asekmen i lmend n ugbar n uzraɛ n tkaɣreft n unfafad bu uqacuc.

aps