GENEVE – Aṭan n unfafad Cocid-19 yegla-d s tmettant, anda ma ulac, n 103.141 n yimdanen akked wugar n 1.700.760 yimuḍinen deg umaḍal segmi i d-iban deg wayyur n dujember deg tmurt n Ccinwa, ɣef wakken i d-yedda deg yiwet n tecrawt i d ssufɣen ass n usiḍyas (ssebt), gan-tt ɣef uzadur n yiɣbula unṣiben akked Tuddsa tamaḍalant n tdawsa (OMS).

Ugar n 1.700.760 n yimuḍinen i skelsen s wudem unṣib deg 193 n tmura segmi yebda waṭan-a. Gar yimuḍinen-a, anda ma ulac, llan 341.100 n yimdanen i yejjin.

Ṭalyan, i yeskelsen tamettant n umuḍin amezwaru yeṭṭef unfafad Covid-19 deg taggara n wayyur n furar, d tamurt yesɛan ugar n wid yemmuten s umḍan n 18.849 n yimdanen seg gar 147.577 n yimuḍinen. 30.455 n yimdanen jjin i d-nnan yiduba iṭalyaniyen.

Deffir n Ṭalyan, timura iḥuza ugar waṭan-a d Iwanaken Yedduklen s tmettant n 18.777 n yimdanen akked 501.615 n yimuḍinen, Spenyul s tmettant n 16.353 n yimdanen akked 161.852 n yimuḍinen, Fransa s tmettant n 13.197 n yimdanen akked 124.869 n yimuḍinen akked Tgelda Yedduklen s tmettant n 8.958 n yimdanen akked 73.758 yimuḍinen.

Deg tmurt n Ccinwa, ma nekkes seg usiḍen Hong Kong akked Macao, aṭan yebda deg taggara n wayyur n dujember, yegla-d s uɣrud n 81.953 n yimuḍinen, rnan-d 46 n liḥalat timaynutin gar wass n usimwas (lǧemɛa) akked usiḍyas (ssebt), tamettant n 3.339 n yimdanen, ideg llan kraḍ d imaynuten, akked 77.525 n yimuḍinen yejjin.

Deg wayen yerzan liḥalat n waṭan, Uwanaken Yedduklen d tamurt uḥuza ugar waṭan, s 501.615 n yimuḍinen i yettwakelsen s wudem unṣib, ideg tella tmettant n 18.777 n yimdanen, akked 29.191 n wid yejjin.

Deg Yurub, yewweḍ uɣrud ass n usiḍyas (sseb) ɣef usrag wis 11h00 GMT ɣer tmettant n 71.335 n yimdanen akked 871.047 n yimuḍinen, Iwanaken Yedduklen akked Kanada wwḍent ɣer tmettant n 19.356 n yimdanen akked 523.661 nniḍen d imuḍinen, Asya tewweḍ ɣer tmettant n 4.718 n yimdanen akked 133.597 nniḍen d imuḍinen, Asammer Alemmas yewweḍ ɣer tmettant n 4.632 akked 95.005 nniḍen d imuḍinen, Tamrikt talatinit akked Karayib wwḍen ɣer tmettant n 2.344 n yimdanen akked 56.888 nniḍen d imuḍinen, Akked Océanie s tmettant n 64 n yimdanen akked 7.687 nniḍen d imuḍinen.

Tacrawt-a gan-tt s yisefka i d-leqḍent tneggiwin ɣef uzadur n yiɣbula unṣiben akked telɣa i d-yekkan seg Tuddsa Tamaḍalant n Tdawsa (OMS).

aps