LEZZAYER  TAMANEƔT – Ajiniral ameqqran, Saïd Chanegriha, aɣella s leɛḍil n yifesyanen n Tredsa taɣelnawt taɣerfant, yezzireg-d ass n ukras (larebɛa), deg yiwet n tirzi n umahil akked usekyed deg Temnaḍt taredsant tamezwarut, dakken agzum n tdawsa taredsant, s yisbiṭaren-is akked temṣukin n tdawsa heyyan i wakken ad yallel, ma tḥettem teswiɛt, anagraw adawsan aɣelnaw n tmurt deg ukatar n umennuɣ mgal n waṭan n unfafad Covid-19.

« Ad zzirgeɣ dakken agzum n tdawsa taredsant, s yisbiṭaren-is akked temṣukin n tdawsa heyyan i wakken ad yallel, ma tḥettem teswiɛt, anagraw adawsan aɣelnaw n tmurt akked waddud ɣer yidis n uɣref mgal n waṭan-a amihaw, ladɣa imi tadawsa taredsant tesɛa yiwet n termit ɣezzifen deg usefrek n tezɣan akked twaɣiwin tigamanin i tedder tmurt-nneɣ, amedya n znezla n Leṣnam akked Bumerdas, akked uḥemmal n Bab Lwad, yerna taɣellist tadawsant d aḥric seg agensi seg tɣellist tanagdudt deg unamek-is hrawen », i d-yesseddi Ujiniral ameqqran Chanegriha, deg tirzi-s iga i Usbiṭar alemmas n Tredsa « Docteur Mohamed Seghir Nekache » deg Ɛin Nneɛǧa (agezdu n Lezzayer).

Deg tirzi-a, aɣella s leɛḍil n yifesyanen n Tredsa taɣelnawt taɣerfant yedla ɣef yikaten i bdan la ttgen yiḥricen n Usbiṭar « lhan-d akken yessefk s yiserdasen akked wid ilan azref i yenṭeḍ waṭan-a », yerna yedla ɣef « yisgulaf itraren yemgarden akked awllalen isnajyanen i yesɛa Usbiṭar », i d-yesseddi yiwen n ulɣu n uɣlif n Temḥaddit taɣelnawt.

Ajiniral ameqqran Chanegriha, iga timlilit akked yikataren akked yimehhalen n Usbiṭar Alemmas n Tredsa, ladɣa imsujiyen akked tefremliyin, ifureṣ tagnit i wakken « ad ten-isnemmer ɣef wussisen-nsen i gan seg wul seg-mi i yebda waṭan-a amihaw« .

Tirzi n umahil akked uswaḍ ɣer Temnaḍt taredsan tamezwarut deg Blida n Ujiniral ameqqran ters deg ukatar n uḍfar, deg wannar, n uswir n useddu n yikaten yettwaddmen i umennuɣ mgal n unfafad Covid-19, i d-yenna ulɣu.

aps