BIR LEḤLU – Iger-d uselway n Tegduda Taɛṛabt Tawnirit Tamegdayt, Brahim Ghali, tiɣri i Yiɣlanen Yeddukklen akken ad d-gren iman-nsen s lḥir i uslelli adeɣyan n yimkurma iwniriyen yellan deg « tegnit d tamihawt » deg tkurma timeṛṛukiyin imi ay terna tezreɛ tkaɣreft n unfafad bu uqacuc.

Deg yiwet n tebṛat ay yuzen, ass n usamas i umaru amatu n Tuddsa n Yiɣlanen Yeddukklen, Antonio Guterres, iwekked-d uselway awniri dakken « s tmerniwt n tkaɣreft n unfafad bu uqacuc deg temnaḍin yemgerraden n umaḍal, ula deg Tgelda n Meṛṛuk, tagnit n yimkurma-a d tin ay izemren ad teqqel d tamihawt imi ay d-tella tuggza ɣef tmeddurt-nsen ɣef lǧal n tegnit n tmeddurt taweɛṛant yellan deg tkurmutin n uwanak n uwdag ameṛṛuki ».

Aselway Ghali iɛeyyen-d daɣ dakken ula ma anfafad bu uqacuc yezreɛ yernu ttwaddmen wakaten i ulesses n uzraɛ-nnes, aya ur yettwaḍfer ara akk deg tkurmutin timeṛṛukiyin anda ay llan yimkurma-a, d tikurmutin yettwassnen ččuṛent d imkurma.

« Tiǧǧin-nsen deg tkurmut deg wakud aydeg simal izerreɛ unfafad bu uqacuc d taremɣa yernu d tigawt tarmasayt, yernu aya yezmer ad yessiweḍ, deg yal akud, ɣer yinalkamen ur yezmir ad yebnu fell-asen umdan », ɣef wakken ay d-yessummel Mass Ghali ay d-iwekkden dakken « amɣiwan agraɣlan ur yessefk ara ad yeqqen tiṭ ɣef tḥeqranit n tmeddurt talsant yecban ta ».

Aselway awniri yenna-d, seg yidis niḍen, yenna-d, deg tebṛat-nnes dakken « awanak n uwdag ameṛṛuki yubeẓ imkurma-a iɣarimen iwniriyen acku llan mezzɣen azref n uɣref awniri i uguccelman d uzarug, yernu aya yettwaḍmen deg Urkawal n Yiɣlanen Yeddukklen d tneɣtusin n tuddsa-a ».

« Iduba imeṛṛukiyen skuremten s yimek d aruɣdim imdanen-a am wakken ay sɛeddan fell-asen timeskar d tirusḍifin yernu d tirnelɣiyin, d tid aydeg ttwacaṛɛen deg tnefra d tiredsain, ttwaɛettben yernu ttwasbeɛden ɣef twaculin-nsen, yernu d aya ay ten-yessawḍen, ass-a, ad ttwaskurmten deg tebniqin aydeg ulac akk tiwtilin tidawsanin taddayanin », ɣef wakken ay d-yerna.

la source: aps