LEZZAYER  TAMANEƔT – Aselway n Tegduda, Abdelmadjid Tebbouneyuneḍ ass n uynas (letniyen) amdal aɣrud, ara yeqqimen mraw n wussan, i ugezdu n Blida akked umdal seg usrag wis 19h ɣer wis 7h n tnezzut i ugezdu n Lezzayer.

Aɣtas-a yettwaddem deg yiwet n temlilit n Usqamu Unnig n Tɣellist, i yesselwi uselway Tebboune, yerzan asekyed akked uḍfar n umhaz n waṭan n unfafad Covid 19 deg tmurt, i d-yesseddi yiwen n ulɣu n teggara n temlilit-a.

Ɣetsen : « amdal aɣrud, deg tnezduɣin, i yiwet n tenzagt n mraw (10) wussan, i izemren ad uɣalen, s ugdal n tikli ɣer ugezdu-a », i d-yesseddi uɣbalu-nni, yerna yenna-d dakken « ufuɣ yettwaḥettmen yessefk ad yili ɛemden-t yimeẓla terza temsalt n Temsetla neɣ n tɣellist taɣelnawt ».

Deg wayen yerzan agezdu n Lezzayer, yettwaɣtes waya : « Amdal akked tɣimit deg yexxamen seg usrag wis 19h alamma d azekka-nni ɣef usrag wis 7h n tnezzut » i d-yenna, yesseddi-d dakken « akat-a ad t-nessihrew ɣer wakk igezda ideg yella neɣ la iteddu ad yili unfafad, am wakken ara yini wannay ayalas n uɣlif n Tdawsa, n Tɣerfa akked tsemmeskelt n yisbiṭaren ».

Yenna-d ulɣu, ha-t-an « ad d-tettwaẓreg yiwet n tanaḍt taslekmant i useddi yiɣtasen yellan deg yikaten-a ».

la source: aps