GENEVE – Tanegga n Yiɣlanen Yeddukklen i Yizrazaɣen twekked-d dakken yessefk ad ttwamestnen yimdanen uṛhifen war ma ttwattun yizrazaɣen deg ukatar n yiɣawasen n ulesses n uzraɛ n unfafad bu uqacuc.

Tanegga n Yiɣlanen Yeddukklen i Yizrazaɣen tger-d tiɣri, ass n usinas, akken ad ttwamestnen yizrazaɣen d yimsutren n uzwag, d yimdanen ay irewlen seg yixxamen-nsen maca qqimen deg tmura-nsen, deg ukatar n yiɣawasen iɣelnawen n uɛawez, asewjed d tsedmirt.

« Wa d tiɣri i unebges akken ad d-gren izrazaɣen deg leḥsab deg ukatar n yiɣawasen iɣelnawen d-yettwaheyyan mgal unfafad bu uqacuc », ɣef wakken ay d-tenna Cecile Pouilly, tamutlayt n Tnegga n Yiɣlanen Yeddukklen i Yizrazaɣen deg yiwet n tdiwennit d ONU Info.

Tasmirit Tunnigt n Tuddsa n Yiɣlanen Yeddukklen i Yizrazaɣen tenna-d dakken tger-d tiɣri-a imi 80% seg yizrazaɣen n umaḍal ddren deg tmura yesɛan amaduf ixuṣṣen neɣ d alemmas.

« Anamek n waya, timura-a sɛant tidumṣukin tidawsanin ixuṣṣen », ɣef wakken ay d-terna Massa Pouilly.

Ɣef leḥsab n Tesmirit Tunnigt n Yiɣlanen Yeddukklen i Yizrazaɣen, tasedmirt tagraɣlant i tezɣent n unfafad bu uqacuc yessefk ad d-tger deg leḥsab yernu ad d-tḥaz akk medden, ula d wid ay terra tmara ad rewlen seg yixxamen-nsen. Imɣaren n tɣerfiwin tizrazaɣin d wid ay d uṛhifen ugar. Tanegga-a n Yiɣlanen Yeddukklen tger-d tiɣri i yiduba iɣelnawen akken ad ddmen akk akaten yessefken akken ad mmestnen izrazaɣen d yimsutren n uzwag seg waḍḍan n unfafad bu uqacuc akken ara mmestnen iɣermanen-nsen.

Ugar n 70 n yimelyunen n yimdanen ay terra tmara ad rewlen seg yixxamen-nsen deg umaḍal ɣef lǧal n uḍlam, imyenkafen, takriḍt d urkaḍ n yizerfan n umdan. Gar yimdanen-a, 20 n yimelyunen d izrazaɣen, gar-asen 84% d wid yellan deg tmura yesɛan amaduf ixuṣṣen neɣ d alemmas yernu timura-a sɛant inagrawen n tdawsa, n usedger n waman d usedwes ixuṣṣen.

la source: aps